Бусад руу халуун кофе цацаж гэмтээсэн гэх А-г цагдаагийн байгууллагаас саатуулсан гэх мэдээлэл түгж, олон нийтийг талцуулав.

Энэ талаар ЦЕГ-аас “Иргэн А-г бусдын биед хохирол учруулсан гэх хэрэгт холбогдуулан яллагдагчаар татаж, мөрдөн шалгах ажиллагааг явуулж байгаа. Яллагдагч А нь шалгалтын явцад оргон зайлсан тул эрэн сурвалжилж, нэгдүгээр сарын 22-ны өдөр олж тогтоосон. Улмаар мэдүүлэг авах  дуудан ирүүлэх хуудас гардуулах  зорилгоор Сүхбаатар дүүргийн цагдаагийн Нэгдүгээр хэлтэст авчирсан.

Яллагдагч А нь тогтоосон хугацаанд өөрийн өмгөөлөгчтэй мэдүүлэг өгөхөөр  болж цагдаагийн хэлтсээс явсан” гэж мэдээлэв.