Нийслэлийн Аялал жуулчлалын газар, “Скай Резорт” ХХК-тай хамтран “Улаанбаатар” өвлийн наадмыг “Скайрезорт” цанын баазад  хоёрдугаар сарын 15-16-нд зохион байгуулна.

Монголынхоо үзэсгэлэнт өвлийн улирал, ёс заншил, өв уламжлал, дахин давтагдашгүй өвөрмөц соёлыг сурталчлахын зэрэгцээ залуу үедээ өвлүүлэн үлдээх, шинэ тутам хөгжиж буй өвлийн улирлын экстрем спорт, аяллын төрлүүдийг нийслэлийнхэндээ таниулах, амралтын өдрүүдийг гэр бүлээрээ аз жаргалтай өнгөрүүлэхэд тус наадмын зорилго оршиж байна.

Наадмын үеэр төрөл бүрийн үйлчилгээнээс гадна мөсөн сурын харваа, мөсний шагай, снөүбоард зэрэг тэмцээн уралдаан зохион байгуулах аж.