“Мөнгөн зээлийн үйл ажиллагаа эрхлэгч” /МЗҮАЭ/-д 2024 оны 4 дүгээр улирлын тайланг Санхүүгийн зохицуулах хороо /СЗХ/ нэгтгэжээ.

МЗҮАЭ 479 ломбард байгаагаас 326 нь хуулийн этгээд, 153 нь иргэн ажээ. Эдгээрээс 71 хуулийн этгээд нь СЗХ-нд, 255 хуулийн этгээд, 153 иргэн Аймаг, нийслэлийн Засаг даргад бүртгүүлсэн байна. Тус салбарын нийт хөрөнгө 959 тэрбум төгрөг аж. Харин 643.1 тэр бум төгрөгийн зээл олгосон байна. Түүний 45.2 тэрбум төгрөгийн зээлийн хугацаа хэтэрчээ.

МЗҮАЭ-дийн хөрөнгийн 93,3 хувь буюу 894 тэрбум төгрөгийг эргэлтийн хөрөнгө эзэлж байна. Эргэлтийн хөрөнгийн 6.8 хувь нь мөнгөн, 67 хувь нь зээл , 2 хувь нь өмчлөх бусад, 17, 5 хувь нь бусдаас бүрджээ. Нийт өр төлбөр бас эздийн өмчийн 46.2 хувийг өр төлбөр эзэлж байна. Түүний 20.7 хувийг зээл, 6 хувийг гаргасан өрийн бичиг, 19.5 хувийг бусад өр төлбөр  бүрдүүлсэн байна. МЗҮАЭ 326 хуулийн этгээд 638 тэрбум төгрөгийг 495,010 зээлд гаргажээ. Харин 153 иргэн 5 тэрбум төгрөгийг 6,004 зээлд олгожээ. Зээлийн хувьд:

• үлдэгдэл 99,2 хувь хуулийн этгээд, 0,8 хувийг иргэн,
• олгосон зээл 98.6 хувь хуулийн этгээд, 1,4 хувийг иргэн,
• төлөгдсөн зээл 98,3 хувь хуулийн этгээд, 1.7 хувийг иргэн,

Хуулийн этгээдийнх олгосон 1 зээлийн дундаж нь 2 тэрбум төгрөг, иргэнийх 32.9 сая төгрөг байна. Нэг зээлийн дундаж нь орон нутагт 15,2 сая төгрөг, Улаанбаатарт 79.9 сая төгрөг гэж гарчээ.

Улаанбаатар хотод МЗҮАЭ-ийн зээлийн өрийн үлдэгдэл 581 тэрбум төгрөг байна. Үлдэгдлийн хувьд:

• 577.5 тэрбум нь хуулийн этгээдийнх,
• 3.4 тэрбум нь иргэнийх байна.

Орон нутгийн хувьд 62.1 тэрбум төгрөгийн зээлийн өрийн үлдэгдэлтэй. Түүнээс:

• 60.5 тэрбум нь хуулийн этгээдийнх,
• 1.6 тэрбум нь иргэнийх,

Улсын хэмжээнд 21 МЗҮАЭ-ийн 115 салбартай, түүний 70 нь Улаанбаатар хотод, 45 нь орон нутагт ажиллаж байна.

Орлого 298.6 тэрбум төгрөг, бүтцийн хувьд:

• 75.2 хувь нь зээлийн хүүгийн
• 0.8 хувь нь харилцах, хадгаламжийн хүүгийн
• 1,1 хувь нь бусад хүүгийн,
• 22.9 хувь нь бусад,

Зарлага 135.8 тэрбум төгрөг, бүтцийн хувьд:

• 58 хувь нь үйл ажиллагааны,
• 17.2 хувь нь цалингийн,
• 11,2 хувь нь орлогын албан татварын,
• 3.4 хувь нь түрээсийн
• 2.2 хувь нь нийгмийн даатгал, эрүүл мэндийн даатгалын шимтгэл,
• 7.2 хувь нь бусад,

Харин 162.8 тэрбум төгрөгийн цэвэр ашигтай ажилласан гэжээ.

Хувь нийлүүлсэн хөрөнгийн дүнгээр нь авч үзвэл:

• 100 сая төгрөг хүртэлх 371 МЗҮАЭ,
• 100-300 сая төгрөг хүртэлх 38 МЗҮАЭ,
• 300-1 тэрбум төгрөг хүртэлх 54 МЗҮАЭ,
• 1 тэрбум төгрөгөөс дээш 16 МЗҮАЭ байна.

Нийт хөрөнгийн дүнгээр нь авч үзвэл:

• 100 сая төгрөг хүртэлх 280 МЗҮАЭ,
• 100-300 сая төгрөг хүртэлх 68 МЗҮАЭ,
• 300- 1 тэрбум төгрөг хүртэлх 55 МЗҮАЭ,
• 1 тэрбум төгрөгөөс дээш 76 МЗҮАЭ байна гэж тус тайланд дурджээ.