Төрийн цахим үйлчилгээний нэгдсэн E-Mongolia системээр дамжуулан дараах 12 төрлийн лавлагааг Англи, Солонгос, Хятад, Орос, Франц гэсэн 5 улсын хэлээр Апостиль гэрчилгээг ажлын 1 өдрийн дотор шийдвэрлүүлэн авах боломжтой болжээ.

Үүнд:

• Төрсний бүртгэлийн лавлагаа
• Иргэний үнэмлэхийн лавлагаа
• Гэрлэсний бүртгэлийн лавлагаа
• Гэрлэсний бүртгэлгүй лавлагаа
• Иргэний эрүүгийн хариуцлага хүлээж байгаа эсэх тодорхойлолт
• Нийгмийн даатгалын шимтгэл төлөлтийн талаарх тодорхойлолт
• Шүүхийн шийдвэрээр бусдад төлбөргүй эсэх тодорхойлолт
• Тэжээгчээ алдсаны тэтгэвэр тогтоолтын хуудас
• Хөдөлмөрийн чадвар алдсаны тэтгэвэр тогтоолтын хуудас
• Өндөр насны тэтгэвэр тогтоолтын хуудас
• Жолоочийн лавлагаа, мэдээлэл
• Дархлаажуулалтын мэдээлэл

E-Mongolia платформоос авсан Апостиль гэрчилгээг нотариатчаар гэрчлүүлэх болон баталгаат орчуулга хийлгэх шаардлагагүй юм.

Үйлчилгээ шийдвэрлэгдсэн талаарх мэдээллийг иргэд E-Mongolia систем рүүгээ нэвтрэн орж “Үйлчилгээний түүх” цэсээр дамжуулан мэдэх боломжтой.

Эх сурвалж: ГХЯ