Бага насны хүүхэд хүчирхийлж, гадаад улсад оргон зайлсан этгээдийг албадан авчирчээ. 

Интерполын хөх булант зар мэдээгээр олон улсын хэмжээнд эрэн сурвалжлагдаж байсан Монгол Улсын иргэн Б-г Бүгд Найрамдах Турк Улсаас албадан авчрах тусгай ажиллагааг Интерполын төв товчоо Гадаад харилцааны яам, Мөрдөн шалгах алба, Эрүүгийн цагдаагийн алба хамтран зохион байгуулж, энэ оны нэгдүгээр сарын 16-ны өдөр авчирсан байна. 

Уг этгээд нь 2017 онд бага насны хүүхэд хүчирхийлсэн гэмт хэрэгт шалгагдаж байхдаа гадаад улс руу оргон зайлсан бөгөөд Турк улсын хууль сахиулах байгууллагатай хамтран хэрэгжүүлсэн ажиллагааны хүрээнд байршлыг нь тогтоожээ.