ҮСХ-ноос мэдээлж буйгаар энэ 7 хоногийн эхний өдрийн байдлаар гол нэрийн барааны үнэ өмнөх сараас 0.3 хувиар өсжээ. Харин өмнөх 7 хоногтой харьцуулахад 0.6 хувиар буурсан талаар ҮСХ-ноос мэдээллээ.

ХХААХҮЯ-ны харьяа мэдээллийн “Малчин лавлах 109”-ын мэдээллээр нийслэлийн “Хүчит шонхор-Дэнжийн мянга” захад ямааны мах бөөний үнээр кг нь 3500-4500 төгрөг, жижиглэнгийн үнээр ястай нь 6500-6800 төгрөг цул мах нь 7800-8000 төгрөгийн үнэтэй байна.

• Хонины мах: малчдаас авах бөөний үнэ нь кг нь 4500-6200 төгрөг, ястай нь 7500-8000 төгрөг, цул нь 8000-8300 төгрөг,
• Үхрийн мах: бөөний үнэ нь 6000-9000 төгрөг, ястай нь 10.500-11.500 төгрөг, цул нь 12.500-14.500 төгрөг байна.
• Адууны мах бөөний үнээр 4500-5700 төгрөг, ястай нь 7500-8000 төгрөг, цул нь мөн адил үнэтэй байна.