"Улаанбаатар шинэчлэл" ХХК-аас Сонгинохайрханы 21 дүгээр хорооны нутаг дэвсгэрт Ар гүнтийн даваа, төмөр замын нүхэн гарц болон бусад хэсэгт хунгарласан цасыг арилгахаар ажиллаж байна. 

Мөн Сонгинохайрхан дүүргийн 32 дугаар хорооны нутаг дэвсгэр Баруун турууны чиглэлийн замд цасан шуурганы хүч их байгаа тул одоогоор ажиллах боломжгүй байгаа аж. Иймд цасан шуурганы хүч буурахаар ажиллуулах хүн хүч, техникээ бэлджээ.

Энэ чиглэлийн замуудад автомашин зорчих боломжгүй нөхцөл байдал үүссэн тул иргэд замд гарахгүй байхыг Улаанбаатар хотын Захирагчийн ажлын албанаас анхааруулав.