fitness
  • 431 үзэлт
  • 0 сэтгэгдэл
  • 2023-03-24

Төлбөр, тооцооны цогц шийдэл бүхий “Хай Пэймэнт Солюшнс” ХХК-ийн хамт олон НҮБ-ын тогтвортой хөгжлийн зорилгыг үе шаттай хэрэгжүүлж буй юм. Тиймээс СЭЗИС-аас санаачилсан НҮБ-ын тогтвортой хөгжлийн 17 зорилгод залуусын оролцоог нэмэгдүүлэх, оюутнуудын сайн дурын ажлыг дэмжигч байгууллагуудтай холбох зорилготой “UFE VOLUNTEER  FAIR  2023” төслийн ивээн тэтгэгчээр “HIPAY” ажилласан байна.

зураг
 

Энэ хүрээнд өчигдөр /2023.03.23-нд/ “STUDENT-LED” сайн дурын төслийн шалгаруулалтыг амжилттай зохион байгууллаа. Оюутнуудын төсөлд СЭЗИС-ийн багш нар болон тус компанийн удирдлагын багийнхан ментороор ажилласан юм. Тухайлбал, “Хай Пэймэнт Солюшнс” ХХК-ийн толгой компани болох “Монголын Финтек групп” ХК-ийн дэд  захирал Б.Эрдэнэ, төслийн удирдагч Л.Чинбат нар  хоёр багийн ментороор ажиллажээ.

Оюутнууд НҮБ-ын тогтвортой хөгжлийн зорилгын хүрээнд олон санал дэвшүүлсэн байна. Тухайлбал Б.Эрдэнэ захирлын менторлосон “Reusult” багийн хувьд байгаль орчиндоо ээлтэй байх, мөн тэгш бус байдлыг бууруулахад анхаарч хүмүүсийн өмсдөггүй, шүүгээндээ хадгалдаг хуучин хувцаснуудыг хэрэгтэй хүнд нь түгээж өгөх зорилготой төсөл санаачилсан юм.

Оюутнуудын энэ мэт санал, санаачилгуудыг “Хай Пэймэнт солюшнс” компанийнхан урамшуулж, шилдэгээр шалгарсан багуудад мөнгөн шагнал олгож, төслийг нь цаашид үргэлжлүүлж, хамтрахад бэлэн байгаагаа илэрхийллээ. Мөн оролцогч оюутнуудад ажлын байрны санал тавьж, цалинтай дадлагажихыг урьсан юм.

“STUDENT-LED” сайн дурын төслийн тэргүүн байранд “ZH” багийн “Нар, Сар” төсөл, хоёрдугаар байранд “Reusult” багийн “Comesday”, гуравдугаар байранд “Arise” багийн “Бяцхан Ертөнц” төсөл шалгарчээ.

“ZH” багийн хувьд хэрэглэдэггүй хувцас, даавууны өөдсийг цуглуулж, өөр бүтээгдэхүүн болгох, “Arise” баг хүүхэд хүмүүжилд эерэг нөлөө үзүүлэх “Хөлөгт тоглоом”-ын төсөл санаачилсан юм.

зураг
 
зураг
 
зураг
 
зураг
 
зураг

Бусад мэдээ

Хөгжлийн банкны 2022 оны санхүүгийн тайланд олон улсын байгууллага аудит хийж, зөрчилгүй гэж дүгнэжээ

Хөгжлийн банкны 2022 оны санхүүгийн тайланд олон улсын байгууллага аудит хийж, зөрчилгүй гэж дүгнэжээ

Засгийн газрын ээлжит хуралдаан 2023 оны дөрөвдүгээр сарын 26-нд болж, дараах асуудлуудыг хэлэлцэн ш

Насанд хүрсэн 11 хүн тутмын нэг нь чихрийн шижингээр өвдөх эрсдэлтэй байна

Насанд хүрсэн 11 хүн тутмын нэг нь чихрийн шижингээр өвдөх эрсдэлтэй байна

“Чихрийн шижинтэй тэмцэх дэлхийн өдөр”-ийг 11 дүгээр сарын 14-нд тэмдэглэн өнгөрүүлдэг. 2023 оныг “

Чинбаяр Ч.
Чинбаяр Ч.