Улаан гоёог их хэмжээгээр түүж, бэлтгэж байна гэсэн мэдээлэл цахим орчинд түгсэн байна. Энэ мэдээлэлд БОАЖЯ-наас өнөөдөр /2023.04.06/ тайлбар өгсөн юм. Тайлбарт,  

Улаан гоёо 2017 онд Засгийн газрын тогтоолоор ховор ургамлын жагсаалтад орсон тул тэр үеэс хойш түүж, бэлтгээгүй. Нийгмийн сүлжээгээр ташаа мэдээлэл түгээж байна. Нөхөн сэргээх ажлын талаарх газрын авлагын зургийг таслан уг мэдээлэлдээ ашигласан байна.

Улаан гоёо нь Өмнөговь, Дорноговь, Говь-Алтай аймагт ургадаг. БОАЖЯ-наас ховор ургамлыг нөхөн сэргээх, хамгаалах, үрийн нөөцийг нэмэгдүүлэх арга хэмжээ авч байна. Энэ хүрээнд Говь-Алтай аймагт улаан гоёо, хармагийн үр бэлтгэх, плантаци хийж байна гэв.