fitness
  • 408 үзэлт
  • 0 сэтгэгдэл
  • 2023-04-17

Өнгөрсөн хугацаанд уг эмчилгээг нийт 50 гаруй эмэгтэйд амжилттай хийж, хянах явцад эмчилгээний үр дүн сайн байсан аж. Түүнчлэн эмчилгээний дараа хавдар багасах, нөхөн үржихүйн эрхтэн умай хадгалагдан үлдэх, өвчтөнд зовуурь бага, эмнэлгийн ор хоног богино зэрэг олон талын ач холбогдолтой юм.

Сүүлд гэхэд ААГТМЭ-ийн эмч мэргэжилтнүүд 2023 оны дөрөвдүгээр сарын 14-ний өдөр умайн хавдартай хоёр өвчтөнд хэт авиан хяналтан дор умайн хоргүй хавдрыг түлэх мэс заслын эмчилгээг амжилттай хийсэн байна.

Мэс заслын баг бүрэлдэхүүнд ААГТМЭ-ийн захирал, АУ-ны доктор, профессор, зөвлөх зэргийн эмч Ц.Батболд ахлан клиникийн профессор, зөвлөх зэргийн эмч Л.Долгоржав, ахлах зэргийн эмч Н.Ганболд, П.Бат-Ирээдүй, Б.Алтанцэцэг, сувилагч Д.Хаданцагаан, О.Гэрэлмаа, Ц.Оюунчулуун, техникч Д.Нацагдулам нар оролцжээ.

Эмчилгээний явцад БНСУ-ын “RF Medical” төвийн дэд захирал Роберт Ёо оролцон эмч нарын ур чадварыг сайшааж, энэхүү эмчилгээг Монгол Улсад нэвтрүүлэн, нутагшуулсан багт талархаж хамтран ажилласандаа сэтгэл хангалуун байгаагаа илэрхийлсэн байна.

Тус эмнэлэг нь 2018 оноос эхлэн БНСУ-ын “RF Medical” төвд өндөр давтамжит радио долгионоор умайн хоргүй хавдрыг түлэх эмчилгээний технологид эмч нараа сурган бэлтгэж, уг төвийн эмч нарын хамтарсан сургалтыг Улаанбаатар хотод хоёр удаа зохион байгуулсан бөгөөд Монгол Улсын зохиогчийн эрхийн гэрчилгээг авч, эмчилгээний арга - үр дүнгээ онол практикийн хурлуудад танилцуулан хэлэлцүүлж, хэвлүүлж байна.

Мөн эмчилсэн тохиолдлын тоо, үр дүн, туршлагадаа тулгуурлан "Өндөр давтамжит радио долгионоор умайн хоргүй хавдар болон эндометрийг түлэх эмчилгээний удирдамж" боловсруулж дараагийн шатанд хэлэлцүүлэх, батлуулах зорилттой бэлтгэл ажил хийгдэж буй юм.

 

Эх сурвалж: "Амгалан" амаржих газар төрөлжсөн мэргэшлийн эмнэлэг

Бусад мэдээ

СЭЛЭНГЭ: “5С БУЮУ АЖЛЫН БАЙРНЫ ЭМХ ЦЭГЦ” СУРГАЛТАД СУВИЛАГЧ НАРЫГ ХАМРУУЛЖ БАЙНА

СЭЛЭНГЭ: “5С БУЮУ АЖЛЫН БАЙРНЫ ЭМХ ЦЭГЦ” СУРГАЛТАД СУВИЛАГЧ НАРЫГ ХАМРУУЛЖ БАЙНА

Сэлэнгэ аймгийн Эрүүл мэндийн газрын даргын баталсан удирдамжийн дагуу "Эрүүл мэндийн салбарын ажлын

Улсын 560 эко сургууль, цэцэрлэгийн багш, удирдлагууд чуулж байна

Улсын 560 эко сургууль, цэцэрлэгийн багш, удирдлагууд чуулж байна

“Тогтвортой хөгжлийг дэмжигч эко сургууль, цэцэрлэг“ үндэсний чуулган өнөөдөр болж байна.Тодруулбал,

Ариунзул С.
Ариунзул С.