Чингэлтэй дүүргээс санаачилсан “Асуудал шийдэл” сэдэвт хөрсний бохирдлын талаарх хэлэлцүүлэг өнөөдөр Төрийн ордонд болж өнгөрлөө. Энэ үеэр Доктор (Ph.D.) П.Оюунбатын танилцуулсан илтгэлээс онцлох зүйлсийг хүргэж байна.
Халдвар тээгч, эсвэл өвдсөн хүний өтгөн, бөөлжис, шээсээр дамжин гадаад орчинд ялгарна. Гэдэсний халдварууд нь ходоодны хурц үрэвсэл, нарийн гэдэсний үрэвсэл зэрэг олон хэлбэрээр явагддаг байна.
Сальмонелл ходоод нарийн гэдэсний үрэвслийг үүсгэдэг. Өвчлөл хоёр хүртэлх насны хүүхдүүдийн дунд зонхилон тохиолдож байна.
Улаанбаатар хотын хөрсний нянгийн бохирдлыг тогтоох шинжилгээгээр нийт дээжийн 65.2 хувьд нь халдвар тээгч, эсвэл өвдсөн хүний өтгөн, бөөлжис, шээсээр дамжин гадаад орчинд ялгардаг Е.сoli нян илэрчээ.
E.coli, Salmonella нянгууд бүх дээжээс илэрч байгаа нь Улаанбаатар хотын гэр хорооллын хөрсний ариун цэврийн түвшин муу, ард иргэдийн дунд гэдэсний халдварт өвчин гарах эрсдэл өндөр байгааг судалгааны үр дүн харуулж байна. Дээрх нянгийн бохирдлын эх үүсвэр нь нүхэн жорлон, ил бие засах, хальсан жорлонгийн бохир, бохир ус юм. Иймээс нүхэн жорлонгоос үүсэх хөрсний бохирдлын асуудлыг нарийвчлан судлах шаардлагатай байна гэж Доктор П.Оюунбат илтгэлдээ дүгнэсэн байна
Тээврийн цагдаагийн албаны Замын цагдаагийн газрын Нийслэлийн замын хөдөлгөөний хяналт, зохицуулалт
Монголын рок поп урлагийн амьд домог "Хурд" хамтлаг түүхт 30 жилийн ойн тоглолтоо өнгөрсөн сард Төв
