УИХ-ын чуулганы үдээс өмнөх  хуралдаанаар Нийгмийн даатгалын багц хуулийн эцсийн хэлэлцүүлгийг хийв. Хуулийн төслийг боловсруулах ажлын хэсгийн ахлагчаар УИХ-ын гишүүн П.Анужин ажилласан.

28 жилийн дараа энэ хуулийг баталснаар дараах өөрчлөлтүүд гарна гэж хууль тогтоогчид үзэв:

-Хуваарилалтын тогтолцооноос хуримтлалын тогтолцоо руу шилжих эрх зүйн үндсийг тавилаа.
-Тэтгэврийн шударга тогтолцоо бий болж, төлсөн хэрээрээ үр шимийг нь хүртдэг эрүүл тогтолцооны суурь тавилаа.
-Удаан жил тогтвортой ажиллаж, нийгмийн даатгалын шимтгэлээ тасралтгүй төлсөн иргэд илүү тэтгэвэр авна,
-Ажиллаж байсан үеийнхээ цалинтай дүйцүүлэн бодсон тэтгэвэр авах боломжтой.
-Тэтгэврийн бодлого улс төрөөс ангид байж, үнийн өсөлттэй уялдуулан тэтгэврийг жил бүр нэмнэ.
- Иргэн бүр нэрийн дансандаа мөнгөн хуримтлалтай болж, ирээдүйд ипотек, эрүүл мэнд, боловсролдоо зарцуулна.
-Хувийн, нэмэлт тэтгэврийн тогтолцоотой болно.
- Тэтгэвэр бодох дараалсан долоон жилийг таван жил болгоно.