Зургаадугаар сарын 25-ны өдөр Булган-Хархорин чиглэлийн 110 кВ-ын шугаманд гарсан гэмтлийг бүрэн засварлаж, өнөөдөр цахилгаан эрчим хүчинд холбожээ. 

Цахилгаан дамжуулах үндэсний сүлжээ ТӨХК-ийн таван салбарын 150 гаруй инженер техникийн ажилтан, 40 орчим техник хэрэгсэлтэйгээр зургаадугаар сарын 26-29-нийг хүртэл дөрөв хоногийн турш 24 цагаар ажиллан, гэмтлийг бүрэн засварлаж 29-ний 20.24 цагт хэрэглэгчдийг цахилгаан эрчим хүчинд холбосон байна. 

Уг гэмтлээс үүдэж Архангай, Өвөрхангай, Баянхонгор, Булган, Төв, Дундговь, Өмнөговь аймгуудын 82 сум цахилгаан эрчим хүчээр хязгаарлагдаад байсан юм.