Энэ жил явган болон дугуйн замуудыг шинийг хийхээс илүү өмнөх хийгдсэн замуудын эхлэл төгсгөлийн цэгүүдийн рамп унагалт, түвшний огтлолцлын зөрүү, аюулгүй байдлыг хангаж, иргэдийн тав тухтай, хөгжлийн бэрхшээлтэй иргэд, хөгшид, хүүхэд зорчиход ээлтэй, төвөгшил багатай байлгахыг зорьж байгаа аж. 

СУРТАЛЧИЛГАА

Энэ хүрээнд Улаанбаатар хотын ерөнхий менежер М.Баяраа дугуйн болон явган замын тохижилтын ажлын гүйцэтгэгч 19 компанийн төлөөлөлтэй уулзжээ. 

Одоогоор рамп унагалтын ажил 60 байршилд хийгдсэн байна. 

Нийт 25,000 м.кв явган хүний зам талбайг засварлах, шинэчлэх, налуу зам рамп унагах ажлуудыг төлөвлөснөөс шинээр 10,050 м.кв явган замыг 11 байршилд хийж байгаа аж. 

Нийслэлийн таван дүүргийн гэр хорооллын 16 байршилд иргэд амарч тухлах ая тухтай ногоон байгууламж бүхий бичил цэцэрлэгт хүрээлэнг зарим байршлын гуу жалган дах хур, үүсмэл хогийн цэгийг арилгаж, тохижилт хийх ажлууд дуусах дөхсөн талаар Улаанбаатар хотын ерөнхий менежер М.Баяраа мэдээллээ.