Батлан хамгаалах яамны Бодлогын хэрэгжилтийг зохицуулах газрын дарга, бригадын генерал М.Мөнхбаяр ургац хураалтад оролцох хүний нөөцтэй холбоотой асуудлаар мэдээлэл өглөө. 

Тэрбээр "Ургац хураалтын ажилд зэвсэгт хүчний нэгтгэл ангиудаас жил бүр дэмжлэг үзүүлэн ажилладаг. Энэ жилийн хувьд 400 орчим офицер, ахлагч, гэрээт болон хугацаат цэргийн алба хаагч нар 1,100 орчим, Үндэсний Батлан Хамгаалахын Их сургуулиас офицер, ахлагч нийлсэн 500 орчим хүн гээд нийт 2,000 алба хаагч намрын ургац хураалтын ажилд оролцоно.

Зэвсэгт Хүчний Жанжин Штабын даргад 100 гаруй аж ахуйн нэгж хандан, ургац хураалтын ажилд туслалцаа авах хүсэлтээ ирүүлээд байна. 37 ААН-д зөвшөөрөл олгоод байгаа. Нийт 880 орчим хүн ургац хураалтын ажилд оролцоход бэлэн болсон" хэмээв.