Утасны цэнэглэгч, гэрэлтэй олон залгуур, WiFi төхөөрөмж залгаатай байхдаа ЭРЧИМ ХҮЧ хэрэглэсээр байдаг

594 үзэлт
0 сэтгэгдэл
2022-12-16

Эрчим хүчний системийн 2022 оны арванхоёрдугаар сарын 14-ний өдрийн оргил ачаалал 19:00 цагт 1,450 МВт хүрсэн байна. Энэ өнгөрсөн оны мөн үеэс 108 МВт-аар өссөн үзүүлэлт болов. Харин тухайн өдрийн хамгийн бага ачаалал нь 1,063 МВт байж, хэрэглээг бүрэн хангахын тулд импортоор 309 МВт эрчим хүч авчээ.

Шөнийн тарифын хөнгөлөлт эдлүүлж эхэлснээс хойш эрчим хүчний хэрэглээ оргил ачаалал буюу 19:00 цагийн байдлаар:

Огноо	Эрчим хүчний хэрэглээ	2021 оны 11,12 дугаар сарын эрчим хүчний хэрэглээтэй харьцуулахад	2021 оны 11,12 дугаар сарын ИМПОРТЫН эрчим хүчтэй харьцуулахад
2022.11.13	1,257 МВт	94 МВт-аар өссөн	96 МВт -аар өссөн
2022.11.14	1,279 МВт	116 МВт-аар өссөн	81 МВт -аар өссөн
2022.11.15	1,285 МВт	95 МВт -аар өссөн
2022.11.16	1,274 МВт	55 МВт -аар өссөн
2022.11.20	1,309 МВт	42 МВт -аар өссөн
2022.11.21	1,330МВт	89 МВт-аар өссөн	106 МВт -аар өссөн
2022.11.22	1,332 МВт	55 МВт -аар өссөн
2022.11.24	1,299 МВт	4 МВт-аар өссөн	45 МВт -аар буурсан
2022.11.27	1,343 МВт	93 МВт-аар өссөн	111 МВт -аар өссөн
2022.11.29	1,441 МВт	134 МВт-аар өссөн	182 МВт -аар өссөн
2022.11.30	1,431 МВт	128 МВт-аар өссөн	134 МВт -аар өссөн
2022.12.01	1,410 МВт	115 МВт-аар өссөн	126 МВт -аар өссөн
2022.12.04	1,405 МВт	136 МВт-аар өссөн	228 МВт -аар өссөн
2022.12.05	1,423 МВт	149 МВт -аар өссөн
2022.12.06	1,442 МВт	135 МВт-аар өссөн	130 МВт -аар өссөн
2022.12.07	1,437 МВт	132 МВт -аар өссөн
2022.12.12	1,430 МВт	113 МВт-аар өссөн	168 МВт -аар өссөн
2022.12.13	1,444 МВт	112 МВт-аар өссөн	167 МВт -аар өссөн
2022.12.14	1,450 МВт	108 МВт-аар өссөн	309 МВт-аар өссөн

Энэ үед дотоодын эх үүсвэрүүд бүрэн хүчин чадлаараа ажиллаад, ОХУ-аас нэмж цахилгаан эрчим хүч авч байж давдаг байна. Иймд оргил ачааллын буюу 17:00-22:00 цагт онцын шаардлагагүй бол цахилгаан хэрэгслүүдээ унтрааж, эрчим хүчний зохистой хэрэглээг хэвшүүлэхийг холбогдох албанаас зөвлөлөө.

Тодруулбал, ус буцалгагч, телевизор, утасны цэнэглэгч, кофе чанагч, угаалгын машин, гэрэлтэй олон залгуур, WiFi төхөөрөмж зэргийг хэрэглээгүй үедээ салгаж хэвшээрэй гэв. Тэжээлд залгаатай байхдаа эдгээр нь эрчим хүчийг ашигласаар байдаг буюу тэр хэмжээгээр үргүй зардлыг үүсгэдэг байна.

Эрчим хүчний хэмнэлтийн /А+, А++,А+++/ тэмдэглэгээтэй цахилгаан барааг сонгосноор эрчим хүчээ хэмнэж, сарын цахилгааны төлбөрөө бууруулах боломжтой.

Өдрийн цайны нэг цагийн хугацаанд суурин компьютерыг унтрааснаар жилд 8,900 төгрөг хэмнэх тооцоолол гарчээ.

Өмнөх мэдээ