fitness
  • 160 үзэлт
  • 0 сэтгэгдэл
  • 2023-11-06

Сүхбаатар дүүргийн нэгдүгээр хороо, Улсын нэгдүгээр төв эмнэлгийн хашаанд олгосон газар олголтыг яаралтай цуцалж, барилга барих ажлыг зогсоох үүргийг Улаанбаатар хотын захирагч Х.Нямбаатар нийслэлийн удирдах ажилтнуудын шуурхай зөвлөгөөний үеэр өгсөн байна.

Тэгвэл өнөөдөр Хотын дарга тухайн байршилд ажиллаж, Улсын нэгдүгээр төв эмнэлгийн удирдлагатай уулзжээ. Анх 2005 онд Нийслэлийн Засаг даргын захирамжаар “Жамомед” ХХК-д 450 ам метр газрыг олгож байжээ. Түүнээс хойш дөрвөн удаа тус газрын эзэмшигчийн нэрийг шилжүүлж, хоёр удаа газар эзэмших хугацааг сунгасан аж.

Хамгийн сүүлийн байдлаар 2018 онд “Мөргөл Уул” ХХК-ийн нэр дээр 1,360 ам метр газар олгожээ. Тус компанийн хувьд 20 давхар бүхий контор, орон сууцны барилга барихаар суурь ажлаа эхлүүлсэн байна.

Энэ талаар Улсын Нэгдүгээр төв эмнэлгийн ерөнхий захирал Б.Хишигжаргал "2005 онд тус барилгын суурийг цутгасан бөгөөд 2023 он хүртэл ямар ч ашиглалтгүй, балгас болсон байсан. 2023 оны зургаадугаар сараас “Мөргөл Уул” ХХК “Бид өөрсдийн газар дээрээ барилга барина” гэж манай эмнэлэгт амаар мэдэгдсэн.

Манай эмнэлэг 1000 гаруй ажилтан, албан хаагчтай. Амбулаториор өдөрт дунджаар 3,000 хүн, хэвтэн эмчлүүлэх 500 хүн үйлчлүүлдэг. Тэдгээр иргэдийн гэр бүл ирдэг. Мөн АШУҮИС-ийн оюутнуудын суурь бааз манай эмнэлэг дээр ажилладаг. Тэгэхээр өдөрт дунджаар 5,000-6,000 хүний хөдөлгөөний эрчим, машины урсгал явагддаг гэсэн үг.

Манай эмнэлгийн ажилчид эмнэлгийн зогсоолд автомашинаа тавьдаггүй хэдий ч иргэдэд зогсоол хүрэлцдэггүй" хэмээн мэдээлсэн байна. 

Харин Улаанбаатар хотын захирагч Х.Нямбаатар"Өдгөө эмнэлгийн авто зогсоолын хүчин чадал хэтэрчихсэн байхад дахиад 20 давхар контор, орон сууцны зориулалттай барилгын оршин суугчид авто машинаа хаана шингээх юм бэ. 

Гол нь эмнэлгийн хашаан дотроос газар эмтэлж аваад, орон сууц барих нь зохимжгүй зүйл. Хувийн аж ахуйн нэгжийг хохироож болохгүй тул дэд төвүүдийн хүрээнд газрыг нь нөхөж олгох зохицуулалт хийх боломжтой.

Нийтийн ашиг сонирхолд ноцтой сөрөг нөлөө үзүүлэхээс урьдчилан сэргийлж, захиргааны актыг цуцалж болно. Уг газрын эрхийг цуцалбал дахиж барилга барихгүй, авто машины зогсоол байгуулах хэрэгтэй" хэмээн ярив. 

Ийнхүү Нийслэлийн Засаг дарга тухайн газар эзэмшигч “Мөргөл Уул” ХХК-д  мэдэгдэл хүргүүлж, сонсох ажиллагаа явуулах, харилцан тохиролцох үүргийг Нийслэлийн Газар зохион байгуулалтын албанд өгсөн талаар НЗДТГ-аас мэдээллээ. 

Бусад мэдээ

Х.Нямбаатар: Улс төрд нөлөө бүхий этгээдийн хүүхдүүд сургалтын төрийн сангийн зээлд хамрагдахгүй

Х.Нямбаатар: Улс төрд нөлөө бүхий этгээдийн хүүхдүүд сургалтын төрийн сангийн зээлд хамрагдахгүй

Засгийн газрын хуралдааны шийдвэрийг танилцуулж байна. ХЗДХ-ийн сайд Х.Нямбаатар, Нийтийн албанд н

Бусдын эд хөрөнгийг хүч хэрэглэж авсан бол хоёроос найман жил хүртэл хорих ялаар шийтгэнэ

Бусдын эд хөрөнгийг хүч хэрэглэж авсан бол хоёроос найман жил хүртэл хорих ялаар шийтгэнэ

Гадаа явж байсан хүнийг араас нь цохиж эд зүйлийг дээрэмдсэн хэрэг гарчээ.Цагдаагийн байгууллагаас м

Чинбаяр Ч.
Чинбаяр Ч.