Эрүүл мэндийн яамны албан ёсны цахим хуудаст хоёр өдрийн өмнө ““Тэр” өвчлөл дэлхийд хамгийн өргөн тархсан, архаг халдварт өвчинд тооцогдож байна. Дэлхий даяар нийт  3.5 тэрбум хүн өвчилсөн гэсэн судалгаа гарсан бол Монгол Улсын нийт хүн амын талаас илүү хувь нь амьдралынхаа аль нэг үед энэ өвчнөөр өвчилж байсан гэх судалгаа бий” гэж бичсэн байв.

Харин өчигдөр (2024.04.08) “Тэр” гэж нууцалсан өвчин чухам юу болох тухай тайлбар оруулжээ.

Уг тайлбарт “Тэр” бол шүдний өвчлөл юм. Тоон мэдээллээс харахад шүдний өвчлөл Монголд нэн тулгамдаж буй асуудал хэдийн болжээ. Энэ өвчлөлд нийтээрээ анхаарал хандуулах цаг нь болсон. Эхнээс нь эмчилье, анхнаас нь арчилъя” хэмээжээ.