Шүүгчийн захирамжаар эрэн сурвалжилж байсан этгээдийг "Шувуу" ажиллагааны хүрээнд баривчилжээ. Цагдаагийн байгууллагад 2023 оноос хойш эрэн сурвалжилж байсан Монгол Улсын иргэн Т-г “Шувуу” ажиллагааны хүрээнд Өмнөд Солонгос улсаас энэ оны дөрөвдүгээр сарын 28-ны өдөр Чингис хаан олон улсын нисэх буудалд буух үед нь баривчлан шүүгчийн захирамжийн дагуу Шүүхийн шийдвэр гүйцэтгэх ерөнхий газрын харьяа хорих 461 дүгээр ангид хүргэн, цагдан хорих таслан сэргийлэх арга хэмжээ авчээ.