Монгол Улсын Их Хурлын 2024 оны ээлжит сонгуулийн зохион байгуулалтын үйл ажиллагаатай холбоотой мэдээллийг хэвлэл мэдээлэл, олон нийтэд өгч, нээлттэй ажиллах чиглэлийг Сонгуулийн Ерөнхий Хорооны дарга П.Дэлгэрнаран хорооны гишүүдэд өгөв.

Тухайлбал, сонгогчдын нэрийн жагсаалт болон бүртгэлтэй холбоотой системийн талаарх  мэдээллийг олон нийтэд тухай бүр шуурхай хүргэхийг СЕХ-ны гишүүн, Улсын бүртгэлийн ерөнхий газрын дарга Д.Дэлгэрсайханд, сонгуультай холбоотой зөрчил, маргаан, хэргийг шалгаж, шийдвэрлэж байгаа талаар хэвлэл мэдээллийн байгууллага, иргэдэд шуурхай мэдээлэхийг СЕХ-ны гишүүн гишүүн, Цагдаагийн ерөнхий газрын дарга Т.Сүхболд нарт тус тус даалгасан байна.