Төв аймгийн Эрдэнэ сумын нутаг Чулуут багийн "Хэрхлүүр нуур" гэдэг газар зургаадугаар сарын 28-ны 16:00 цагийн орчим морин аялал хийж явсан 40 хүн “Хэрхлүүр" нуурын эрэг дээр амраад аяллаа цааш үргэлжлүүлэх үед морин хөтөч хийж явсан нэг хүүхэд сураггүй алга болжээ. 

Холбогдох байгууллага дуудлага мэдээллийг хүлээн авч, аймгийн Онцгой байдлын газрын Эрдэнэ сум дахь Эрэн хайх, аврах бүлгийн алба хаагчид Цагдаагийн тасгийн алба хаагч, ар гэрийн хүмүүстэй хамтран зургаан сарын 29-ний 00:53 цагт сумаас гарч 100 км замыг туулан 19:53 цагт очиж, 15 настай, эрэгтэйг эрэн хайх ажиллагааг зохион байгуулж, мөн өдрийн 22:30 цагт цогцсыг нь “Хэрхлүүр” нуурын эргээс дөрвөн метрт, усны гүнд байгааг олж, тогтоон цогцсыг тус аймгийн сумын Цагдаагийн тасагт шилжүүлэн өгсөн" байна.