Эх сурвалж: gogo.mn 

Лондонд төвтэй Henley & Partners дэлхийн иргэншил, оршин суух эрхийн зөвлөх фирмээс гаргадаг шинэ улирлын тайланд дурдсанаар Азийн гурван орны паспорт эзэмшигчид дэлхийн хамгийн олон оронд зорчсон аялагчдаар тодорчээ.

Тодруулбал, Япон Улсын иргэн дэлхийн 193 оронд /визтэй, визгүй/ зорчсон бол Сингапур, Өмнөд Солонгос улсын иргэд дэлхийн 192 оронд зорчсоноор удаах байрт шалгарчжээ.

Өдгөө дэлхийн аялал жуулчлал цар тахлын өмнөх үеийн 75 орчим хувьтай тэнцэж байна

Өдгөө цар тахлын дараа Ази, Номхон далайн бүс нутагт аяллын урсгал дахин идэвхжин иргэд ихээр аялах болжээ.

Олон улсын агаарын тээврийн холбоо (IATA)-ийн мэдээлэлд үндэслэсэн Henley Passport Index-ийн хамгийн сүүлийн үеийн мэдээгээр дэлхийн аялал жуулчлал тахлын өмнөх үеийн 75 орчим хувьтай тэнцэж байна гэв.

Дээр дурдсан азийн топ гурван аялагчийн доор Европын орнууд багтжээ. Тодруулбал Герман, Испани дэлхийн 190 оронд зорчсоноор удаалж байгаа бол Финланд, Итали, Люксембургийн иргэд 189 улсад хөл тавьжээ. Дараа нь Австри, Дани, Нидерланд, Швед зэрэг улсууд 5-р байрт орсон бол Франц, Ирланд, Португал, Их Британи 6-р байрт бичигдэж байна. Түүний араас Бельги, Норвеги, Швейцарь, Чехтэй зэрэгцэн Шинэ Зеланд, АНУ 7-р байранд оржээ.

 2023 оны байдлаар дэлхийн хамгийн олон оронд “аялсан” паспортууд

1. Япон (193 чиглэлд)

2. Сингапур, Өмнөд Солонгос (192 чиглэлд)

3. Герман, Испани (190 чиглэлд)

4. Финланд, Итали, Люксембург (189 чиглэлд)

5. Австри, Дани, Нидерланд, Швед (188 чиглэлд)

6. Франц, Ирланд, Португал, Их Британи (187 чиглэлд)

7. Бельги, Шинэ Зеланд, Норвеги, Швейцарь, АНУ, Чех (186 чиглэлд)

8. Австрали, Канад, Грек, Мальта (185 чиглэлд)

9. Унгар, Польш (184 чиглэлд)

10. Литва, Словак (183 чиглэлд)

Дэлхийн хэд хэдэн орных 40 ба түүнээс цөөн улс руу (визтэй/визгүй) зорчсон буюу жагсаалтын сүүл мушгисан байна. Үүнд:

102. Хойд Солонгос (40 чиглэлд)

103. Балба, Палестины нутаг дэвсгэр (38 чиглэлд)

104. Сомали (35 чиглэлд)

105. Йемен (34 чиглэлд)

106. Пакистан (32 чиглэлд)

107. Сири (30 чиглэлд)

108. Ирак (29 чиглэлд)

109. Афганистан (27 чиглэлд)

Эх сурвалж: CNN