Төрийн өмчийн сургуулийн нэгдүгээр ангийн цахим бүртгэл наймдугаар сарын 12-нд эхэлсэн.

Товлолт хугацаа ёсоор энэ сарын 25-нд дуусахаар байсан ч 30-ны 17:00 цаг хүртэл болгож сунгасан байна. 

Ирж буй хичээлийн жилд  78,464 хүүхэд нэгдүгээр ангид элсэх ёстойгоос

• 72,769 хүүхэд бүртгүүлэх боломжтой төлөвт,
• 2,647 хүүхэд хянагдаж байгаа төлөвт,
• 2,554 хүүхэд түр түдгэлзүүлсэн төлөвт,
• 494 хүүхэд бүртгэхээс татгалзсан төлөвтэй байна.

2024 оны наймдугаар сарын 26-ны өдрийн байдлаар:

• Бүртгэх боломжтой 72,769 хүүхдээс 36,624 буюу 50.3% нь элсэлт батлагдсан төлөвтэй буюу сургуульдаа бүртгэгдэн баталгаажсан;
• 2,668 хүүхэд буюу 3.6% элсэлтээс татгалзсан буюу эцэг эх, асран хамгаалагч нар нь элсэхээс татгалзсан төлөвт;
• 33,477 хүүхэд буюу 46% нь эцэг эх, асран хамгаалагч нь элсэлтээ эцэслээгүй байна.

Иймд та бүхэн e-Mongolia-гаар элсэлтийн хүсэлтээ шийдвэрлэнэ үү гэж Боловсролын Ерөнхий Газраас мэдээллээ.