Шүүхийн тухай багц хуульд Хүүхэд, гэр бүлийн шүүхийг 2026.01.01-нээс ажиллуулна гэж нэмэлт оруулжээ. Энэ шүүх иргэний хэрэг маргаануудыг мөн хэлэлцэх бөгөөд Давж заалдах шатны шүүхтэй байна.

Хүүхэд, гэр бүлийн дагнасан, мэргэжлийн шүүхтэй болсноор ахиц дэвшил гарна, хүн худалдаалах гэмт хэргийн шүүн таслах ажиллагаа шинэ түвшинд гарна, энэ хэргийн онцлогийг мэддэг шүүгчидтэй болно гэсэн хүлээлт хуульч, өмгөөлөгч нарт байв.

Гэвч тус шүүхийн байрыг шийдээгүй л байна. Угаас одоо байгаа шүүхийн байрууд жижиг тул хүрэлцээ багатай хэвээр. Мөн шинээр байгуулах шүүгч нарыг бэлдэх, сургалтад хамруулах ажил хангалтгүй байгааг Дээд шүүхийн шүүгч Л.Хосбаяр онцолсон юм.