Жүдо бөхийн дэлхийн цуврал тэмцээн, оны эхний Гран При Португал улсын Алмада хотод болно. Тус тэмцээнийг Монголын шигшээ багийн 19 залуу тамирчин зорьсон бөгөөд 12 жинд зодоглоно.

Нийслэл Лисбон хотын урдуур урсдаг Тагус мөрний өмнөд эрэгт байрлах 170 мянган хүн амтай хотод 83 орны 575 жүдоч зочилно.

Нэгдүгээр сарын 27-29-ний хооронд болох тэмцээний шагналын сан 98 мянган евро бөгөөд алт, мөнгө, хүрэл медалийн шагнал 3000, 2000, 1000 ам.доллар байх юм.