Бүгд Найрамдах Узбекистан Улсын Ташкент хотноо энэ сарын 10–19-ний өдрүүдэд зохион байгуулагдсан олон улсын химийн 58 дугаар олимпиад (IChO 2026)-д Монгол улсын баг амжилттай оролцжээ. Хоёр мөнгөн, хоёр хүрэл медаль хүртлээ.
Тус олимпиадад 90 гаруй улсын 1000 орчим оролцогч оюун ухаанаа сорин өрсөлдлөө. ОУ-ын химийн олимпиад хоёр үе шаттай явагддаг.
• Онолын хэсэг - 9 бодлого /5 цаг/
• Туршилтын хэсэг - 3 даалгавар /5 цаг/
Оролцогчид есөн бодлого, гурван даалгаврыг арван цагийн турш гүйцэтгэж, шинжлэх ухааны мэдлэг, бүтээлч сэтгэлгээ, оюун ухаанаа сорин өрсөлддөг байна.
МӨНГӨН МЕДАЛЬ 🥈
• Б.Мэндбаяр – Шинэ Монгол сургуулийн 12 дугаар ангийн сурагч
• М.Одгэрэл – Бага Тэнгэр сургуулийн 12 дугаар ангийн сурагч
ХҮРЭЛ МЕДАЛЬ🥉
• Н.Ариунгоо – Шинэ Монгол сургуулийн 11 дүгээр ангийн сурагч
• Б.Мөнх-Энэрэл – Сант сургуулийн 11 дүгээр ангийн сурагч
