Гүйцэж түрүүлэх үйлдэл нь замын хөдөлгөөнд эрсдэлтэй маневруудын нэг бөгөөд буруу тооцоолол, хурд хэтрүүлснээс ноцтой осол гарах эрсдэлтэй байдаг.

Монгол Улсын Замын хөдөлгөөний дүрмийн 13.2-т дараах тохиолдолд гүйцэж түрүүлэхийг хориглоно гэж заасан байна. Үүнд:

• Өөдөөс яваа тээврийн хэрэгслийн хөдөлгөөнд аюул, саад учруулахаар байвал;
• Урд яваа тээврийн хэрэгсэл гүйцэж түрүүлэх буюу саадыг тойрон гарах үйлдэл хийж байгаа бол;
• Урд яваа тээврийн хэрэгсэл зүүн гар тийш дохио өгч байгаа бол;
• Араас яваа тээврийн хэрэгсэл өөрийг нь гүйцэж түрүүлэхээр үйлдлээ эхэлсэн бол тус тус гүйцэж түрүүлэхийг хориглоно.

Иймд жолооч нарыг орон нутгийн замд зорчихдоо хурдаа замын нөхцөлд тохируулж, дээрх хориглосон нөхцөлд гүйцэж түрүүлэх үйлдэл хийхгүй байхыг анхааруулж байна.

Эх сурвалж: Тээврийн цагдаагийн алба