Азербайжаны нийслэл Баку хотод жүдо бөхийн дэлхийн аварга шалгаруулах тэмцээн үргэлжилж байна.

Эмэгтэйчүүдийн -48 кг-ын жинд Монгол Улсаа төлөөлөн оролцсон Олимпын мөнгөн медальт, дэлхийн аварга Бавуудоржийн Баасанхүү хүрэл медалийн төлөөх барилдаанд Францын бөх Ширин Боуклид ялагдаж, шагналт тавдугаар байрт шалгарлаа.

Тэрбээр тэмцээний эхний барилдаануудад Казахстаны Галия Тынбаева, АНУ-ын нэр дээр барилдаж буй Кубын тамирчин Мариа Сели Лаборде болон Германы бөхийг ялж, хагас шигшээд шалгарсан. Улмаар Японы Когад ялагдсанаар хүрэл медалийн төлөө барилдахаар болсон юм.