Арабын нэгдсэн Эмират улсын Шаржа хотноо болж буй скейтбордын 2022 оны дэлхийн аварга шалгаруулах тэмцээний эмэгтэйчүүдийн “гудамж”-ны төрлийг Аьстралийн 12 настай охин Хлоэ Коуэлл тэргүүлж байна. Тэрбээр эхний шатанд бусдаасаа хол тасархай оноо авч хошуучилжээ. Японы Үэмүра Аои 17 хоцрон хоёрдугаарт явна.

81 тамирчнаас 27 тамирчин үлдээд буй бөгөөд ирэх бямба гарагт хагас шигшээ тэмцээн эхэлнэ. Парисын олимпын скейтбордын тэмцээнд 88 тамирчин дөрвөн төрөлд өрсөлдөх бөгөөд тамирчид чансааны оноо олгох тэмцээнд үзүүлсэн амжилтаараа олимпын эрхээ авах юм.

Токиогийн олимпын эмэгтэй скейтбордын хоёр төрөлд Японы тамирчид болох 19 настай С.Ёшозүми, 14 настай М.Нишия нар түрүүлж байжээ.