Энэ өхөөрдөм, хүчирхэг хүүг Бөөдий буюу Б.Түвшинжаргал гэдэг. Төв аймгийн Жаргалант сумын арван жилийн сургуулийн нэгдүгээр ангийн сурагч. Бөөдий 2022 оноос эхлэн цана, тэшүүр, дугуйгаар хичээллэж эхэлсэн. Энэ хугацаанд олон тэмцээн наадамд орж өөрийгөө сорьжээ.

Тодруулбал, Бөөдий Төв аймгийн аварга шалгаруулах цанын тэмцээнд амжилттай оролцсоны дараа Булган аймгийн Тэшиг суманд болсон балчир насны төрөлд хүч сорьжээ.

Харин яг өдрүүдэд Орхон аймгийн зохион байгуулагдаж буй өвлийн спортын "Мөнгөн өвөл" наадамд оролцож байна. Энэ гурван төрлөөрөө олон улсад нэртэй олимпийн тамирчин болно гэж ярьдаг Бөөдийгийн багшаар Төв аймгийн спорт хорооны цана, дугуйн дасгалжуулагч, спортын мастер Г.Батсүх ажиллаж байна.

Багш, шавь хоёр энэ сарын 20-нд дугуйн балчир насны улирлын нээлттэй тэмцээнд оролцоно.