Монгол улсын хэмжээнд нийт 0-9 хүртэлх жилийн насжилттай автомашин 220,142 ширхэг байгаа бол, 10-аас дээш жил 1,044,750 ширхэг автомашин 2022 оны судалгаагаар тоологджээ.

Хотын агаарын бохирдол дан ганц өвөл гэхгүйгээр зундаа ч бохир болсон нь өндөр насжилттай автомашинуудаас хамааралтай гэсэн дүгнэлт гарсан бөгөөд дан ганц агаараас гадна энд тэндээс нь бохир тос гоожиж хөрс бохирдуулсаар байна. 2000 оны эхээр “Монгол улс Солонгос машины оршуулга боллоо” гэсэн нийтлэл гарч байсныг зарим нэг маань санаж байгаа байхаа. Одоо харин олон улсуудаас орж ирж байгаа хөгшин машины цуглуулга болж, агаарын бохирдлоо нэмж, хортой агаараар амьсгалсаар хорт хавдраар өвдсөөр байгаадаа дүгнэлт хийж, шинэчлэл хийх цаг болжээ.

Тиймээс автомашин хэрэглэгч хүн бүр гэр бүл хайртай хүмүүсээ бодсон ч тэр, агаарын бохирдлыг бодсон ч тэр, нийгмийн эрүүл ахуйг бодсон ч тэр аль болох 0-3 жилийн насжилттай, зөв хүрдтэй автомашиныг илүүтэй сонгож хойч үеийнхээ ирээдүйн төлөө зөв шийдвэр гаргаасай хэмээн хүсэж байна.