Энэ долоо хоногт АНУ-д төрийн айлчлал хийж буй Өмнөд Солонгосын ерөнхийлөгч Юн Сүк Ёлын гэргийн цүнх солонгосчуудын анхаарлыг татаж байгаа бөгөөд уг цүнхний талаар тус улсын хувцас загварын салбарын төлөөлөгч өчигдөр хэвлэлд ярьжээ.Тэргүүн хатагтай Ким Кон Хэ нөхрийн хамт АНУ руу нисэхээр онгоцонд суухдаа гартаа хар өнгийн цүнх барьсан байсан юм.

Уг цүнх нь Өмнөд Солонгосын Marhen.J компанийн өнгөрсөн онд үйлдвэрлэж эхэлсэн “веган” бүтээгдэхүүн юм байна.

 

Тодруулбал цүнхийг бүтээхэд амьтны арьс шир огт ашиглаагүй бөгөөд тусгай био технологийн тусламжтай алимны шүүс, компот зэргийг үйлдвэрлэхэд гарсан гол, хальс зэрэг хаягдлаар үйлдвэрлэжээ. Ийм материалыг “алимны савхи“ гэж нэрлэдгийг мэргэжилтэн тайлбарласан байна.

Өнгөрсөн сард Юн Сүк Ёл ерөнхийлөгчийг Японд айлчлахад тэргүүн хатагтай анх энэ цүнхийг барьж байжээ.

Marhen.J компанийн вэб сайтад уг цүнх дөрвөн өнгөний сонголттой, 378,000 воны ($283) үнээр зарагддаг юм байна.

Эх сурвалж: Korea Times