Катарын нийслэл Дохад тавдугаар сарын 7-14-нд болох жүдогийн насанд хүрэгчдийн Дэлхийн аварга шалгаруулах тэмцээн болно. Тэмцээнд оролцох Монголын шигшээ багийн түрүүч өнгөрсөн мягмар гарагт явсан бол дунд жингийн тамирчид өнөөдөр эх орноосоо мордлоо. Дунд жингийн:

• Эрэгтэй 73 кг-д  Дэлхийн аварга Ц.Цогтбаатар, Б.Эрдэнэбаяр
• Эмэгтэй 57 кг-д Л.Энхрийлэн, М.Ичинхорлоо нар тавдугаар сарын 9-ний өдөр дөрвүүлээ татамид гарах юм.

Дохагийн татамид манай улс бүтэн багаараа оролцох бөгөөд эрэгтэйчүүдийн 66, 73, эмэгтэйчүүдийн 48, 52, 57 кг-ын жинд тус бүр хоёр тамирчин оролцох юм. Монголын жүдочид эрэгтэйчүүд 1973, эмэгтэйчүүд 1995 онд дэлхийн шилдгүүдтэй анх өрсөлдснөөс хойш 5 алт, 4 мөнгө, 18 хүрэл, нийт 27 медалийг эх орондоо авчирч байв.