22 дахь жилдээ үйл ажиллагаагаа явуулж буй европ стандартын иж автомат үйлдвэртэй KitchenALL-ийн хамт олон нь 2022-2023 онд НИЙГМИЙН ХАРИУЦЛАГЫН хүрээнд таван гэр бүлийг сонгон авч, хүний хөдөлмөрийг хөнгөвчлөх зорилгоор сүүлийн үеийн загварлаг, ашиглахад амар, тансаг зэрэглэлийн гал тогооны тавилгыг хүссэн өнгө, загвараар нь урлаж, иж бүрэн тохижуулж өгчээ.

Kitchen All нь 2019 оноос хойш Боловсрол ТВ-тэй хамтран “Гал тогоо” шоу нэвтрүүлэг хийж байгаа бөгөөд түүгээрээ дамжуулан 500 гаруй гэр бүлийн хүсэлтийг хүлээн авсан байна.

Сүүлийн буюу гуравдугаар улирлын дугаараараа алтан гартай эмч, биднийг аврах, туслах ажилд бэлэн байдаг онцгой байдлын албан хаагч, ажил хөдөлмөрөөрөө үнэлэгдсэн хүндэт ахмад, эрдэм түгээгч эрхэм багш, амжилт бүрээрээ Монгол улсаа алдаршуулж байдаг спортын дасгалжуулагч багш гэсэн таван хүнийг сонгож авчээ.