Зэрлэг шувуудыг тандах судалгааг Ховд аймгийн Буянт, Мянгад сумын нутгаар энэ сарын 3-5-ны хооронд хийж гүйцэтгэжээ. 

Тодруулбал, дээрх сумдын нутагт хамаарах Шувуун цамхаг, Шувуун цуглаан, Чулуун овоо, Өргөн ширэг, Элсэн шанаа зэрэг таван цэгт ажиглалт, судалгаа явуулсан байна. 

Уг ажиглалтаар давхардсан тоогоор 84 зүйлийн 914 шувуу тоологдсон бөгөөд өвчний сэжигтэй болон үхсэн шувуудын сэг, зэм олдоогүй.

Шувуудын ажиглалт судалгааны үеэр нуурын хөвөө дагуу хаваржиж байгаа долоон өрх, тахианы ферм эрхлэгч нарт шувууны томуу өвчнөөс урьдчилан сэргийлэх зөвлөгөө өгч, асуумж судалгаа авсныг Зоонозын Өвчин Судлалын Үндэсний Төвөөс мэдээллээ.