Жүдо бөхийн дэлхийн аварга шалгаруулах тэмцээн анх удаа Катарын нийслэл Доха хотод дөрөв дэх өдрөө үргэлжилж байна.

Энэ өдөр манай улсаас нэг бөх зодоглосон бөгөөд эрэгтэйчүүдийн -81 кг жинд Гэрэлтуяагийн Болор-Очир дэвжээний эзэн орон Катарын бөхтэй учраа таарсан.

Г.Болор-Очир барилдаанд вазари үнэлгээ болон 2 торгуулиар ялагдаж явсан ч эцсийн мөчид цэвэр ялж дараагийн шатанд шалгарлаа.

22 настай Г.Болор-Очир шигшээ 32-т дэлхийн аваргын хүрэл медальт Молдавын Виктор Стерпутай барилдана.