Нийслэлийн удирдах ажилтнуудын шуурхай зөвлөгөөн өнөөдөр боллоо. 

Энэ үеэр түр худалдаа, үйлчилгээ эрхлэх байршил, ажлын явцын талаар  Улаанбаатар хотын Захирагч Д.Сумъяабазар Засаг дарга нараас тодруулав. 

Тухайлбал,

1. Чингэлтэй дүүрэгт энэ чиглэлээр ажлын хэсэг гарч, гурван цэг байгуулахаар болжээ.
2. Багануур дүүргийн тухайд түр худалдаа, үйлчилгээ эрхлэх хоёр цэг байгуулахаар төлөвлөсөн.
3. Налайх дүүрэг гурван байршлыг баталсан.
4. Багахангай дүүрэг дөрвөн байршлыг тогтоож, одоогийн байдлаар хоёрт нь үйл ажиллагаа явуулж буй.
5. Баянгол дүүрэг дөрвөн байршил гаргасан бөгөөд бэлтгэл ажлыг хангаж байгаа, одоогийн байдлаар худалдаа эрхлээгүй. 
6. Баянзүрх дүүргийнхэн иргэдтэй уулзаж, санал авч байгаа.
7. Сүхбаатар дүүргийн тухайд 15 иргэнд түр худалдаа, үйлчилгээ эрхлэхийг зөвшөөрсөн.
8. Сонгинохайрхан дүүрэгт ажлын хэсэг гарч, түр худалдаа, үйлчилгээ эрхлэх 15 байршил гаргаж, ил задгай худалдаа эрхлэх хүсэлтэй хүмүүсийн судалгаа авч, зургаадугаар сарын 1-нээс үйлчилгээг эхлэхээр төлөвлөжээ.
9. Хан-Уул дүүргийн хувьд хоёр байршил гаргасан, үйлчилгээг тавдугаар сарын 20-нд эхлүүлэхээр төлөвлөсөн байна.

Удирдлагуудыг иргэдтэй уулзаж, хамтран ажиллаж, зөвшилцөлд хүрч ажиллах хэрэгтэйг хэлжээ.