УИХ-аас баталсан Уул уурхайн бүтээгдэхүүний биржийн тухай хуулийг ирэх сарын 30-наас мөрдөж эхэлнэ. Үүнтэй холбогдуулж хуулийн хэрэгжилтийг хангуулах, шаардлагатай бэлтгэл ажлуудыг шуурхай авч хэрэгжүүлэх үүднээс Санхүүгийн зохицуулах хороо холбогдох байгууллагуудын төлөөллийг оролцуулсан ажлын хэсгийг байгуулан ажиллаж байгаа бөгөөд хуульд заасан журмын төслүүдийг боловсруулах, уул уурхайн бүтээгдэхүүний арилжаа, төлбөр тооцооны бэлэн байдлыг хангахтай холбоотой арга хэмжээг авч ажиллаж байна.