Швейцарь, Унгар, Исланд улсад хэрэгжүүлээд амжилт олсон шатрын хөтөлбөр Өмнөговь аймагт өнөөдөр хэрэгжиж эхэллээ.

Өмнөговь аймгийн шатрын холбооны нарийн бичгийн дарга Г.Оргил санаачилж,Өмнөговь аймгийн засаг дарга Р.Сэддоржийн дэмжлэгээр Өмнөговь аймгийн шатрын спортоор хичээллэх боломж дутагдаж байгаа эхний ээлжинд 100 хүүхдэд сургалтын эрх олгож байгаа юм байна.

Хөтөлбөрийн гол зорилго нь шинэ залуу авьяастнуудыг нээх, эрэл хайгуул хийхэд оршино. Энэхүү хөтөлбөр цаашдаа өргөжиж Өмнөговь аймгийн бүх иргэдэд шатрын спортын мэдлэгийг олгож,нийтийн шатрыг хөгжүүлэх том зорилготой .

Хөтөлбөрийг Монголд хэрэгжүүлэх саналыг Монголын шатрын холбооны тэргүүн дэд ерөнхийлөгчөөр ажиллаж байсан Ц.Эрдэнэбат, Хөтөлбөрийг дэмжиж буй Өмнөговь аймгийн засаг дарга Р.Сэддорж илгээжээ.