Гандантэгчинлэн хийдийн дэргэдэх Шашны сургуульд шавилан суралцагч 10 настай хүү сургуулийн дотуур байранд ах лам нарын дарамт, дээрэлхэлт, улмаар бэлгийн хүчирхийлэл ч гарч байгаа талаар ноцтой хэвлэлд мэдээлэл өгсөн. 

Лам болох хүсэлтэй хүүгээ шашны сургуульд оруултал хүүхдийн эрх ноцтой зөрчигдаж байгаад ээж нь гомдол гаргасны дагуу Баянгол дүүргийн Цагдаагийн хэлтсээс шалгаж эхэлсэн билээ.

Шашны сургуульд хүний эрхийн зөрчил дээрэлхэлт, бэлгийн хүчирхийлэл болдог эсэхийг нягтлахаар Хүний эрхийн үндэсний комиссоос хяналт шалгалт хийхээр төлөвлөжээ.

Хүний эрхийн үндэсний комиссынхон одоогоор орон нутагт уул уурхайн компаниудад ажиллаж байгаа бөгөөд дараагийн хяналт шалгалтын Гандантэгчинлэн хийдэд хийхээр шийдвэрлэсэн байна.