"Манай улсад жилд 800-1,000 орчим элэг, нойр булчирхайн хагалгаа хийгдэж байна. Амжилт нь өндөр байгаа. Өнгөрсөн зургаан жилд хавдраар эмчлүүлсэн монгол хүний 5-аас дээш амьдрах хувь нь 10 хувиас дээш болж өссөн.

Өмнө нь хавдрын өвчлөл 6,500 орчим байсан бол 2022 онд шинэ тохиолдол 6,882 гэж гарсан. Шинэ тохиолдол бүрийг бүртгэх гэж хичээж байна. Дараа жил гэхэд 7,000 гарах зураглалтай байгаа.

Өөрөөр хэлбэл хавдрын өвчлөл ихсэж байна. Гэхдээ үхэл багассан. 2022 оны үхлийн тоо өмнөх 2021 онтой харьцуулахад 200-гоор багассан.

Хавдрын эмчилгээний үр дүнг тав болон 10-аас дээш амьдарч байгаа хүний хувь гэж үздэг. Таваас дээш жил амьдарч байгаа хүний тоо жил бүр хоёр хувиар ихсэж байгаа.

Гэхдээ хожуу шатанд илэрч байгаа өвчлөл буурахгүй байна. Эрт илрүүлэх үйл ажиллагаа ч цаашид илүү тогтворжсон байдалтай явагдах ёстой. Тухайлбал ходоодны хавдрын илрүүлэг энэ жил ихэссэн. Тийм учраас ХСҮТ-ийн ходоодны мэс заслын тасаг, хими болон туяа эмчилгээний ачаалал ихэссэн юм" хэмээн хэллээ.