Энэ зун аянга цахилгаантай усархаг бороо нийт нутгаар орж байна. Аянганд цохиулж  хэд хэдэн хүн амиа алдаад байна. Тиймээс Цагдаагийн ерөнхий газраас аянганд цохиулахаас сэргийлэх дараах зөвлөмжийг хүргэж байна. Хүчтэй аянга цахилгаан цахих үед:

• Өндөрлөг газраас бууж байшинд орох эсвэл битүү машинд ороод цонхоо хаагаад юунд ч хүрэхгүй гараа өвдөг дээрээ тавиад суу.
• Машины дугуй резин учир цахилгаан дамжуулахгүй гэдэг худлаа бөгөөд маш өндөр хүчдэл ирдэг учир дамжихаас гадна хайлуулдаг. Гэхдээ машин өөрөөрөө цахилгаан тойруулж гүйлгээд газардуулдаг. Утсаар ярьж болно, цэнэглэж байгаа утас барьж болохгүй. 
• Хажууд чинь шонгийн мод, ганц өндөр мод, төмөр хашаа, цахилгааны утас, гол ус байвал холд. Хээр талд орох оромжгүй бол хамгийн нам доор газар олоод өвдөглөж суугаад толгойгоо тонгойлгон хоёр хөлөө нийлүүл. Биеэ аль болох жижиг болгохоос гадна газартай зөвхөн нийлүүлсэн өлмийгөөрөө хүр. Олуулаа явж байвал бие биенээсээ хол зай барь.
• Ой модтой газарт бол ой модонд орж доошоо сууна. Нээлттэй саравч нэмэргүй, агуй байвал арай дээр. Морь, мото, дугуй, ачааны машин дээрээс буу. Уснаас гар, гартаа загасны уурга, шүхэр барьсан бол хая.
• Биедээ байгаа төмөр зүйлсийг холдуул, цахилгаан хүн дээр буулаа гэхэд арьс нь дээр хэлсэн битүү машин шиг тойруулж гүйлгээд газардуулдаг. Ингэх явцад төмөр зүйлс байвал цахилгаан биед орж зүрх зогсох мэтээр үхэлд хүргэнэ. Цахилгаанд цахиулсан хүнд хүрч болохоос гадна аврах ажиллагаа нэн даруй хийх хэрэгтэй, CPR гэж хайгаад сурж аваарай. 
• Гэртээ байвал гэрийн утсанд мөн цахилгаанд залгаатай комьютер, гар утас зэрэгт хүрч болохгүй.
• Хөдөө хээр явж байвал өндөрлөг газар, уулын орой дээр эсвэл ганц модны дор майхнаа бүү засаарай. Цахилгаан цахиж эхэлмэгц битүү машинд орж суу, сүүлийн цахилгаан цахиснаас 30 минутын дараа гарч болно.