Улаанбаатар хотын Захирагчийн ажлын алба болон БНСУ-ын Байгаль орчны корпораци хамтран Нарангийн энгэрийн төвлөрсөн хогийн цэгийн ландфилл байгууламжаас ялгарч буй хүлэмжийн хийг устгах олон улсын төсөл хэрэгжиж байна.

Тус төслийн хүрээнд Улаанбаатар хотын Ерөнхий менежер М.Баяраа өнөөдөр Судоквон ландфилл сайт менежмент корпорешн ГХЭТГ-ийн төлөөллүүдийг хүлээн авч, төслийн явц болон тулгамдаж буй асуудлуудыг хэлэлцлээ.

Мөн төвлөрсөн хогийн цэгт байршлыг эцэслэн тогтоож барилгын зураг төслийг эцэслэн тохирсон бөгөөд метан хийг устгах, хэмжих байгууламж, мөн оффисын барилгыг тус тус ашиглалтад оруулах юм.