Багануур-Бөөрөлжүүт 220 кВ-ын 261, 262 дугаар цахилгаан дамжуулах агаарын шугам/ЦДАШ/-ын нэгдүгээр багцын барилга угсралтын ажлыг хийж дуусгасан байна.

ЦДАШ-ын угсралтыг нийт таван салбарын 100 гаруй хүн, 15 машин, техник хэрэгсэлтэйгээр 2023 оны тавдугаар сарын 8-ны өдрөөс аравдугаар сарын 21-ний хооронд хийж гүйцэтгэжээ.

Техникийн комиссын шийдвэрээр Багануур-Бөөрөлжүүт 220 кВ-ын цахилгаан дамжуулах агаарын шугамын №1-33-р тулгуурыг 209, 210-р агаарын шугамын №279-р тулгуурт шилжүүлж, холбон хүчдэлд амжилттай залгасан байна хэмээн ЭХЯ-наас мэдээллээ.