Горхи-Тэрэлжийн Байгалийн Цогцолборт Газарт зохих зөвшөөрөлгүй хашаа барьсан, нийтийн эзэмшлийн зам, талбай, орц гарц хаасан, мал амьтны нүүдэл, шилжилт хөдөлгөөнд саад учруулсан хашаа хайс зэргийг албадан буулгах ажлыг зохион байгуулжээ. Энэ хүрээнд Хамгаалалтын захиргааны албан хаагчид болон Налайх дүүргийн ЗДТГ-ын холбогдох алба хэлтсийн 30 гаруй хүний бүрэлдэхүүнтэй баг ажиллаж 38 нэгж талбайн 195.8 га газрыг чөлөөлсөн талаар БОАЖ-ын сайд Б.Бат-Эрдэнэ мэдээллээ.