ССАЖЗЯ, Монголын Аялал жуулчлалын холбоотой хамтран аялал жуулчлалын салбарт хариуцлагатай, байгальд ээлтэй хандлагыг төлөвшүүлэх зорилгоор үндэсний хэмжээний нөлөөллийн аяныг бодлогын түвшинд хэрэгжүүлэхээр боллоо.

Аяныг хэрэгжүүлснээр ногоон, хариуцлагатай аяллыг түгээн дэлгэрүүлэх, дотоодын аялал жуулчлалын бизнес эрхлэгчдийн үйл ажиллагааг дэмжинэ. Мөн байгаль орчин, тусгай хамгаалалттай газар нутаг, нутгийн иргэд, бүс нутгийн эдийн засагт үзүүлж буй хор нөлөөг багасгах, хүрээлэн буй орчин, тухайн орны соёлд хүндэтгэлтэй хандах, аялагч өөртөө болон нутгийн иргэдэд эерэг сэтгэгдэл үлдээх, байгалийн үнэ цэн, өгөөжийг үнэлэн хамгаалах сэдэл төрүүлэх зэрэг олон талын чухал ач холбогдолтой юм. Иймээс иргэд, олон нийтийг тус аянд идэвхтэй оролцож, хариуцлагатай аялж хэвшихийг ССАЖЗЯ-наас уриаллаа.