Туул голоос Улаанбаатар хотын 1,6 сая иргэн, 5 аймгийн хүн, мал, амьтан ундаалдаг. Гэтэл өвлийн улиралд замбараагүй  зам гарган автомашинтай давхилддаг байдлыг таслан зогсоохоор арга хэмжээ авч эхэлжээ.

Ахмад настан болон хүүхдүүд Туул гол дагуу алхаж, амралтын өдрөөр цэвэр агаарт гардаг. Гэтэл тэдний аюулгүй байдлыг эрсдэлд оруулж автомашинтай гол дээгүүр давхих жолооч нар бий.

Улмаар голын мөсөн дээр тос масло асгах, хогоо замбараагүй хаях үзэгдлүүд элбэг байгаа тул шаардлагатай газруудад хаалт хийж Туул голын сав газрын захиргааны албан хаагчид эргүүлд гарч байна.

Хэрэв Туул голын мөсөн дээгүүр автомашинтай зорчсон тохиолдол хуулийн дагуу арга хэмжээ авна гэж БОАЖ-ын сайд Б.Бат-Эрдэнэ мэдэгдлээ.