Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах хоёр дахь шатны сонсгол эхэллээ.

Хөгжлийн банкны охин компани болох “Ди Би Эм лизинг” ХХК-иас олгосон зээлүүдийн асуудлыг хэлэлцэхээр төлөвлөсөн бөгөөд үүнтэй холбогдуулан 59 гэрчийг дуудуулжээ.  

АСЕМ зохион байгуулахад 2016 онд Хөгжлийн банкны охин компаниас зээл авч, 43 автобус авчээ. Гэвч гурван автобус алга болсон гэдгийг УИХ-ын гишүүн Б.Энхбаяр мэдэгдэв. Тухайн үед Сангийн сайд байсан Ч.Хүрэлбаатар "Би энэ талаар мэдэхгүй, Зам тээврийн хөгжлийн яамнаас асуу" гэв.

Сангийн яам дамжуулан зээлдэгч байжээ. Алга болсон гурван автобусыг Драмын театр гэх мэт төрийн байгууллагуудад Засгийн газар хуваарилсан гэж албан бус мэдээ байдаг байна. "Чингис хаан" банк мөн энэ зээлд оролцжээ. Сангийн яам 2.25 хувийн хүүтэй зээл олгон, “Ди Би Эм лизинг” ХХК автобуснуудыг 2017 онд 4 хувийн хүүтэйгээр түрээсэлжээ.     

АСЕМ-ийн хурал 2016 оны долдугаар болж, БНСУ-ын Экзим банкнаас зээл авч, автобус худалдан авч, татваргүй оруулж иржээ. Хөгжлийн банкны гурав дахь сонсголыг АСЕМ гэсэн сэдвээр хийх юм. 

“Ди Би Эм лизинг” ХХК ОХУ-аас газар тариалангийн, шинэ тоног төхөөрөмжийг түрээслэн авчээ. Нийт зөрчлийн үнийн дүн 53.3 тэрбум төгрөг. Газар тариалангийн техник шинэчлэх төслийн хүрээнд энэ ажлыг хийжээ. Гэвч 105 мянган ам.долларын гадаад гуйвуулгын төлбөр нотлогдоогүй байна. Энэ мөнгө шилжсэн, эсэх нь баримтаар нотлогдоогүй гэж шинжээч танилцуулав.