Үзэсгэлэнт болгогч хэмээх Харагчин туулай жилийн цагаан сар айсуй. Энэ жилийн цагаан сарын шинийн нэгэн хоёрдугаар сарын 21-нд тохионо.

Монголчуудын хүсэн хүлээж, гэр бүл, ах дүү, саднаараа цугларан нижгэр тэмдэглэдэг баярын бэлтгэл аль хэдийн эхэлсэн. Эл баяраар идээ будаа, гарын бэлэг бэлдэх ажилд ач холбогдол өгдөг зарим айл өрх санхүүгийн бололцоо байхгүйн улмаас зээл авах тохиолдол цөөнгүй.

Тэгвэл Монголбанкны тоо баримтаас харахад жилийн энэ үед монголчуудын зээлийн хэмжээ болон зээл авсан иргэдийн тоо нэмэгддэг байна. Жил бүрийн 1-2 сар, 5-6 сар, 8-9 сард зээлийн хэмжээ мэдэгдэхүйц өсдөг нь 2017 оноос хойших статистик мэдээллээс харагдана.