Улсын нэгдүгээр төв эмнэлгийн дэргэдэх Бөөр шилжүүлэн суулгах үндэсний багийнхан 300 дахь хүндээ бөөр шилжүүлэн суулгах мэс засал хийлээ. Тус багийнхан анх 2006 онд энэ нарийн түвэгтэй мэс заслыг Монголд эхлүүлснээс хойш залуу эмч, мэргэжилтнүүдээс хүч сэлбэн үйл ажиллагаа тасралтгүй явуулж буй юм. 

300 дахь хагалгаанд орсон 34 настай эрэгтэйд төрсөн эмэгтэй дүү нь донор болжээ. Донор болон өвчтөний бие сайжирч удахгүй эмнэлгээс гарах гэж байна хэмээн тус эмнэлгээс мэдээлэв.